У нядзелю — Вялікдзень (па календары каталіцкай канфесіі)

Местная власть

Сардэчна віншуем хрысціян каталіцкага веравызнання са светлым святам  — Вялікаднем!

Традыцыя гэтай светлай урачыстасці мае глыбінныя карані, сімвалізуе перамогу жыцця, адраджэнне і абнаўленне духоўнага свету чалавека, раскрывае шчыры гуманізм хрысціянства, які нясе вялізную духоўную энергію ўсёдаравання і любові.

У такія дні вернікаў перапаўняюць пачуццё глыбокай, непадробнай радасці і імкненне вяршыць добрыя справы, ахінаць цеплынёй і клопатам тых, хто мае патрэбу ў падтрымцы і спагадзе.

Няхай радасць велікоднага свята напоўніць кожны дом, кожную сям’ю святлом, дабрынёй і надзеяй, прынясе дабрабыт, узаемаразуменне і вясновы настрой.

Шчыра жадаем вам моцнага здароўя, душэўных і фізічных сіл, шчасця і поспехаў!

В. ГУТАРАЎ, старшыня раённага выканаўчага камітэта.

В. АРЭХАЎ, старшыня раённага Савета дэпутатаў.

 Хрыстос Уваскрос! Алелюя!

Свята Змёртвыхпаўстання Пана ў хрысціянскім свеце, а таксама ў Каталіцкім касцёле з’яўляецца найважнейшай урачыстасцю з усіх, якія адзначаюцца ў літургічным годзе. Гэты дзень — рэалізацыя плана збаўлення, які выканаў Езус Хрыстус. Няма большага і найдасканалейшага дня ў ласцы адкуплення, як велікодная ўрачыстасць, а таксама дня, які прыносіў бы столькі радасці і надзеі ў наша штодзённае жыццё.

Хрыстус — сын Божы, — нягледзячы на тое, што быў укрыжаваны, перамог смерць і з’яўляецца крыніцай хрысціянскай надзеі. Хрыстовыя радасць і надзея падштурхоўваюць нас да таго, каб аказваць ласку і міласэрнасць іншым, дзяліцца дабром і божымі дарамі з тымі, хто ў іх мае патрэбу. Асабліва ў гэтым годзе, які ў Каталіцкім касцёле названы Годам міласэрнасці. Езус прабачыў лю­дзям ўсё, і мы павінны браць з яго прыклад прабачэння, у любой жыццёвай сітуацыі імкнуцца дапамагаць іншым.

На гэты радасны час жадаю ўсім Божай апекі, а асаб­ліва — хворым, адзінокім, тым, хто вымушаны ў гэтыя святочныя дні працаваць. Няхай усіх вас благаслаўляе Бог.

Сардэчна запрашаю да ўдзелу ў Пасхальнай Літургіі сёння ў 20.30. Заўтра, у нядзелю Змёртвыхпаўстання, працэсія і святая Імша ў 7.30, на працягу дня святая Імша ў 12.00 і 18.00.

Ксёндз-дэкан Анджэй ВОЗЬНЯК, 

пробашч касцёла Беззаганнага Зачацця Дзевы Марыі і Святога Антонія Падуанскага ў Паставах.

Паважаныя вернікІ

каталіцкай канфесіі!

Ад усяго сэрца віншую вас з Вялікаднем. Уваскрэсенне Хрыстова — свята надзеі, веры і духоўнага адраджэння. Велікодныя ўрачыстасці азараюць сучасны свет верай у перамогу дабра і справядлівасці.

Няхай гэта свята ўвойдзе ў вашы дамы з мірам, напоўніць сэрцы шчырай радасцю зносін з роднымі і блізкімі людзьмі, бо менавіта ў гэтыя першыя цёплыя дні мы адчуваем асаблівае яднанне, радуемся сустрэчам з блізкімі і сябрамі, імкнёмся рабіць добрыя ўчынкі.

Паважаныя землякі! Шчыра жадаю вам поспехаў у ажыццяўленні задуманага, высакароднасці памкненняў і невычэрпнай велікоднай радасці.

М. МОРХАТ, дэпутат Палаты прадстаўнікоў

 Нацыянальнага сходу Рэспублікі Беларусь.

 



1 комментарий по теме “У нядзелю — Вялікдзень (па календары каталіцкай канфесіі)

  1. «Хрыстос уваскрос!» —
    Сонца з неба сказала.
    «Сапраўды уваскрос!» —
    У адказ загучала.

    Над прамёрзлай зямлёй
    Усміхаецца ранак,
    Разам з новай вясной
    Лечыць боль наш і раны.
    Нашы грэшныя душы
    Напаўняе святло,
    Дык давайце ж разрушым
    Агрубелае зло!
    І адчуйце, няверцы,
    Паглядзеўшы на сонца,
    Як вялікае Сэрца
    Б’ецца ў небе бясконца!

    «Хрыстос уваскрос!» —
    Над зямлёй загучала.
    «Сапраўды уваскрос!» —
    Неба нам адказала.

    Рейтинг комментария:Vote +10Vote -10

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.