Вось такі «алігатар»


Вось такі «алігатар» вырас на градцы ў жыхаркі вёскі Шыр­кі Алены Гендрыкаўны Рудніцкай. Вопытная гаспадыня сёлета ў якасці эксперыменту вырашыла апрабаваць новы гатунак агуркоў «Алігатар» — і не пашкадавала. Набытае ў магазіне «Сядзіба» насенне спачатку выса­дзіла ў гаршчкі, а ў пачатку мая зялёныя калівы «перакачавалі» ў цяпліцу. Не прайшло і месяца, як з’яві­лі­ся першыя плады. Па-сапраўднаму багаты ўраджай Алена Гендрыкаўна працягвае збі­раць і цяпер.

— Салодкія, сакавітыя, духмяныя, не патрабуюць дадатковага догляду, — характарызавала высокаўраджайны гатунак А. Г. Рудніцкая. — У асноўным ужываем у ежу ў свежым выглядзе, паспрабавала зрабіць і маласольныя — усе засталіся ў захапленні.

Звычайная даўжыня пладоў складае каля сарака сантыметраў, а даўжыня гэтага агурка — 55 сантыметраў. Можа, ён і не вырас бы да такога памеру, калі б не схаваўся ў агурочніку. Гаспадыня заўважыла яго, калі стала абрываць засохлае лісце. Вырашыла пачаставаць калег, але тыя адмовіліся есці плод да таго часу, пакуль той не будзе сфатаграфаваны для раённай газеты.

Фота Веранікі ФІЛАНОВІЧ.