Праца напаўняе жыццё сэнсам

Местная власть

Дэлегацыя Пастаўскага раёна. На пярэднім плане — лаўрэаты звання «Чалавек года Віцебшчыны-2016».
Дэлегацыя Пастаўскага раёна. На пярэднім плане — лаўрэаты звання «Чалавек года Віцебшчыны-2016».

У мінулую пятніцу ў канцэртнай зале “Віцебск” адбылася ўрачыстая цырымонія ўзнагароджвання лаўрэатаў звання “Чалавек года Віцебшчыны-2016”.

Іх сто — найлепшых прадстаўнікоў розных прафесій і сфер дзейнасці. У тым ліку і чацвёра пастаўчан: начальнік філіяла «Пастаўскае ДРБУ-132» камунальнага праектна-рамонтна-будаўнічага ўнітарнага прадпрыемства «Віцебск­аблдарбуд» Станіслаў Альфрэдавіч Рагіня, намеснік дырэктара па грамадскім харчаванні філіяла “Каапгандаль №2 Пастаўскага райспажыўтаварыства” Крысціна Мечыславаўна Красоўская, загадчыца аддзялення кругласутачнага знаходжання г. п. Лынтупы дзяржаўнай установы “Пастаўскі тэрытарыяльны цэнтр сацыяльнага абслугоўвання насельніцтва” Надзея Тадэвушаўна Гатоўская і галоўны ветэрынарны ўрач адкрытага акцыянернага таварыства “Навасёлкі-Лучай” Аляксандр Юльянавіч Жыдковіч.

У цырымоніі прымалі ўдзел старшыня аблвыканкама Мікалай Шарснёў, старшыня абласнога Савета дэпутатаў Уладзімір Цярэнцьеў, дэпутаты Палаты прадстаўнікоў Нацыянальнага сходу Рэспублікі Беларусь, старшыні гарадскіх і раённых выканаўчых камітэтаў і Саветаў дэпутатаў, ветэраны працы, прадстаўнікі працоўных калектываў і грамадскасці.

Старшыня аблвыканкама Мікалай Шарснёў уручае дыплом лаўрэата звання «Чалавек года Віцебшчыны-2016» Надзеі Гатоўскай.
Старшыня аблвыканкама Мікалай Шарснёў уручае дыплом лаўрэата звання «Чалавек года Віцебшчыны-2016» Надзеі Гатоўскай.

Звяртаючыся да герояў свята, Мікалай Шарснёў адзначыў: “Праца заўсёды была і застаецца мерай каштоўнасцей чалавека, яна аб’ядноўвае людзей, напаўняе жыццё сэнсам і зместам. Гісторыя вучыць: мір, праца, згода і згуртаванасць у грамадстве з’яўляюцца надзейным фундаментам дабрабыту любой краіны”. І нагадаў, што па шэрагу пазіцый вобласць дасягнула станоўчай дынамікі. Многія прадпрыемствы нарасцілі аб’ёмы выпуску і рэалізацыі прадукцыі, знізілі складскія запасы, павялічылі пастаўкі на экспарт. Віцебшчына займае лідзіруючыя пазіцыі ў краіне па вытворчасці інавацыйнай прадукцыі ў прамысловасці. У сельскай гаспадарцы выраслі надоі, адноўлена пагалоўе сві­ней, у 1,4 раза больш нарыхтавана кармоў. Адказныя задачы пастаўлены на сёлетні год.

Кіраўнік вобласці падзякаваў лаўрэатам звання “Чалавек года Віцебшчыны-2016” за добрасумленную працу на карысць Прыдзвінскага краю і роднай Беларусі і падкрэсліў, што іх поспехі натхняюць на новыя здзяйсненні.

Для ўдзельнікаў урачыстасці адбыўся вялікі святочны канцэрт.

Фаіна КАСАТКІНА.

Фота Сяргея ПЛЕШАКОВА.



Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.