Прыгажосць на адзін дзень (+ фота)


1

Кожны чалавек сваім вольным часам распараджаецца па-рознаму. Маёй калезе Людміле Клімюк пасля працоўнага дня напружанне і стомленасць дапамагае здымаць вышыванне, па вечарах яна практыкуе скандынаўскую хадзьбу. Ёсць у яе і яшчэ адна аддушына — кактусы. Пагадзіцеся, далёка не кожны ў гэтых калючых кветках бачыць прыгажосць, і толькі ў адзінак яны рэгулярна квітнеюць.

У Людмілы Клімюк на падаконніку сёння жывуць больш за паўсотні кактусаў розных відаў і ўзросту. Да прыкладу, ёсць “доўгажыхар”, якому ўжо 30 гадоў.

— Мне яго падарылі на заканчэнне інстытута, — успамінае Людміла. — З раслінамі я прывыкла абыходзіцца, як з людзьмі: беражліва. Мне давялося шмат разоў пераязджаць з адной кватэры на другую ў розных гарадах, але заўсёды брала яго з сабой. Сёння мне прасцей папаўняць сваю “калючую калекцыю”: літаральна любы від можна знайсці праз інтэрнэт у такіх жа аматараў-кветкаводаў. Акрамя таго, я навучылася ўласнаручна іх вырошчваць з насення, хаця гэта і надзвычай працаёмкі працэс, які займае не адзін год.

Нашы кліматычныя ўмовы для кактусаў не родныя, а таму вырошчваць іх складана. Хаця і бытуе думка пра тое, што гэта самыя непатрабавальныя расліны. Насамрэч, дачакацца ад іх кветак могуць толькі самыя вопытныя і цярплівыя. Кожнаму віду кактусаў трэба падабраць свой пэўны састаў зямлі, своечасова пераса­дж­­ваць і строга сачыць за правільным палівам. Самы складаны перыяд як для кактусаў, так і для іх уладальнікаў — зіма. Каб расліны не загінулі і не страцілі форму, трэба пастарацца. Людміла сваім калючым жыхарам падаконніка арганізуе на гэты час поў­ны спакой: не палівае, не перастаўляе з месца на месца і падтрымлівае пастаянную тэмпературу 12-15 градусаў. Звычайна, у знак удзячнасці сваёй гаспадыні за такі камфортны адпачынак кактусы з вясны па чарзе пачынаюць квітнець.

 

IMG_20170423_163750

— Іншы раз не адзін год рупішся над тым, каб убачыць кветку на кактусе, з нецярпеннем кожную раніцу заглядваеш на пад­аконнік, ці распусціўся запаветны бутон, а потым парадуешся незвычайнай прыгажосці літаральна адзін дзень — і ўсё, — гаворыць Людміла. — Напэўна, таму не так многа людзей разво­дзяць кактусы. Доўгачаканая іх прыгажосць такая мімалётная, але мне ніколькі не шкада сваіх намаганняў. Яны таго вартыя.

Людміла ЗЕЛЯНКЕВІЧ.  

no images were found

 



Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.