Першы клёнік Алеі закаханых

Главное Образование

пасадзілі пастаўскія маладажоны Вікторыя і Андрэй Пляшкун

Уступаючы ў шлюб, яны вырашылі закласці новую традыцыю — замест таго, каб павесіць на парэнчу моста замок (колькі іх там іржавее!), што звычайна робяць маладажоны, пасадзіць дрэўца. Ідэю адобрыў бацька жаніха Сяргей Часлававіч, які працуе намеснікам дырэктара УП ЖКГ і клапоціцца пра добраўпарадкаванне горада і раёна. Ён жа вызначыўся з тым, дзе найбольш мэтазгодна закласці алею — ля новых дамоў у мікрараёне вуліцы Юбілейнай (уздоўж дэндрапарка). Куды пасля рэгістрацыі шлюбу і накіраваўся вясельны картэж.

 — Не трывожыла, што перасаджаны клёнік можа загінуць? — пытаюся ў маладажонаў. — На дварэ ж такая спёка…

 — Сваё першае сямейнае дрэўца мы садзілі з вялікай любоўю і надзеяй і верым, што яно абавязкова прыжывецца. Добра палілі. Праз некалькі дзён пасля вяселля з’ездзілі і палілі зноў, а таксама перачыталі запіскі з пажаданнямі, якімі нашы госці ўпрыгожылі клёнік.

 Хочацца верыць, што пасадка дрэўцаў маладажонамі ў Алеі закаханых сапраўды стане для пастаўчан традыцыяй. Камунальная служба гатова яе падтрымаць. Звяртайцеся ў дыспетчарскую службу па тэлефоне 2-70-70, і там вас звяжуць з майстрам па добраўпарадкаванні або намеснікам дырэктара УП ЖКГ.

 Фаіна Касаткіна
Фота Рыты ШЫЛЕЙ



1 комментарий по теме “Першы клёнік Алеі закаханых

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.