В Лынтупском отделении круглосуточного пребывания для престарелых и инвалидов ТЦСОН провели учебную тренировку по эвакуации при чрезвычайной ситуации

Общество

Хоць пажар умоўны

У адзін з лютаўскіх дзён у калідорах і пакоях лынтупскага аддзялення кругласутачнага знаходжання для састарэлых і інвалідаў ТЦСАН загучала сірэна, якая апавяшчала пра пажар. На самай справе жыццю пастаяльцаў нічога не пагражала: у адпаведнасці з планам, праводзілася вучэбная трэніроўка па эвакуацыі пры надзвычайнай сітуацыі.

Умоўнае ўзгаранне адбылося ў пакоі №3. Згодна з інструкцыяй, было ўключана сігнальнае апавяшчэнне «Маланка», у дадатак медсястра патэлефанавала на нумар аварыйна-выратавальнага паста №11, размешчанага ў Лынтупах. Адна з трох жанчын, якія пражываюць у вышэйназваным пакоі, адказная за тэхніку бяспекі, пачала эвакуацыю суседак па ім. Не чакаючы прыезду ратавальні­каў, эвакуацыю праводзіў персанал аддзялення. Дапамога з лынтупскага паста РАНС падаспела за лічаныя хвіліны. Умоўны пажар быў ліквідаваны ў найкарацейшыя тэрміны.

— Падобныя трэніроўкі на аб’ектах сацыяльнай сферы з кругласутачным знаходжаннем — не навінка, — расказвала дырэктар тэрытарыяльнага цэнтра сацыяльнага абслугоў­вання насельніцтва Дзіяна Пякарская. — Гэта звязана з тым, што ў такіх установах пры пажары ці іншай надзвычайнай сітуацыі можа быць шмат пацярпелых, бо эвакуацыя значна абцяжарваецца з-за стану здароўя і паважанага ўзросту людзей, якія тут пражываюць. Мерапрыемства спрыяе ўдасканаленню гатоўнасці абслуговага персаналу да дзеянняў пры ўзнікненні надзвычайнай сітуацыі і адпрацоўцы плана эвакуацыі маламабільных грамадзян. Тут усё ро­біцца для таго, каб гарантаваць пажылым грамадзянам бяспечнае і камфортнае пражыванне.

— Вынікі правядзення трэніроўкі па эвакуацыі людзей і тушэнні ўмоўнага пажару ў цэлым станоўчыя, — пракаменціраваў начальнік аварыйна-выратавальнага паста №11 Аляксандр Маляўка. — Па сігнале трывогі работнікі аддзялення прадэманстравалі дакладны алгарытм дзеянняў, высокую зладжанасць. Эвакуацыя праведзена ў адпаведнасці з усімі патрабаваннямі, персанал дзейнічаў без панікі, кваліфікавана. Добра ведаюць правілы паводзін у выпадку надзвычайнай сітуацыі і правільна прымяняюць іх на практыцы і большасць пражываючых.

Пазней з работнікамі быў праведзены дадатковы інструктаж па пажарнай бяспецы, галоўная ўвага падчас якога была скіравана на выратаванне людзей.

Анна Анішкевіч



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.