Безопасность работы — на первом месте. На Поставщине работала группа техинспекторов областных отраслевых комитетов профсоюза

Сельское хозяйство

У мінулую сераду ў раёне працавала група тэхнічных інспектараў абласных галіновых камітэтаў прафсаюза.

З галоўным тэхнічным інспектарам працы Віцебскага абкама прафсаюза работнікаў агра­прамысловага комплексу Міхаілам Лабко ў складзе рэйдавай групы аўтар гэтых радкоў  пабывала ў адкрытым акцыянерным таварыстве “Камайскі-агра”.

Галоўны тэхнічны інспектар працы Віцебскага абкама прафсаюза работнікаў АПК Міхаіл Лабко, інспектар па ахове працы ААТ «Камайскі-агра» Юлія Селівёрстава з механізатарамі на машынным двары

— Паспяховае правядзенне веснавых палявых работ у многім залежыць ад рэалізацыі комплексу арганізацыйна-тэхнічных мерапрыемстваў, — гаварыў Міхаіл Сяргеевіч. — Асаблівая ўвага ў гэты перыяд надаецца стварэнню бяспечных умоў працы, выкананню тэхналогіі вытворчасці. Няма нічога даражэйшага, чым жыццё чалавека. І ўсе мы павінны  прыкласці максімум намаганняў, каб  захаваць яго і забяспечыць належныя ўмовы для працы людзей.

У ААТ «Камайскі-агра» маніторынг гатоўнасці гаспадаркі да сяўбы закрануў аб’екты машыннага двара. Міхаіл Сяргеевіч на тэрыторыі мехмайстэрні дасканала аглядваў тэхні­ку, агрэгаты, гутарыў з механізатарамі, правяраў дакументацыю, наяўнасць адпаведных інструкцый, звяртаў увагу на правядзенне няпланавых інструктажоў, перадрэйсавых медаглядаў работнікаў і іншае.

Адказная за ахову працы ў гаспадарцы старшыня прафкама Юлія Селівёрстава давала тлумачэнні і адказы на пытанні інспектара, памячала заўвагі. Іх было няшмат.

Падвядзенне вынікаў маніторынгу адбылося ў райвыканкаме. Высокая ацэнка дадзена рабоце спецыялістаў па ахове працы ў ААТ «Навасёлкі-Лучай», філіяле «Пастаўскае ДРБУ-132», АДРАЦ «Ветразь», АБП «Рассвет Пастаўскі». 

— Асноўная мэта маніторынгу — папярэджанне парушэнняў, якія могуць прывесці да няшчасных выпадкаў на вытворчасці, — адзначылі інспектары. — А таксама аказанне метадычнай і кансультатыўнай дапамогі па арганізацыі работы ў да­дзеным кірунку.

Спецыялісты адзначылі, што ўсе недахопы, выяўленыя ў некаторых арганізацыях падчас мінулагодняга маніторынгу, ухілены. Падчас сёлетняга заўвагі нязначныя. Але ў ахове працы дробязей не бывае, любое парушэнне правіл можа прывесці да непапраўнага.

Тэкст і фота Анны Анiшкевіч



Tagged

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.