19 июня в Яревском сельсовете произошло сразу два возгорания в природных экосистемах

Важное Экология

Не дапускайце ўзгаранняў

19 чэрвеня на тэрыторыі Ярэўскага сельсавета адбылося адразу два ўзгаранні ў прыродных экасістэмах: адно — тарфяніку ў раёне вёскі Задзеўе на плошчы 0,28 га, другое — сухой расліннасці каля вёскі Норкавічы на плошчы 0,8 га. Мяркуецца, што іх прычынай стала занясенне пабочнай крыніцы запальвання неўстаноўленай асобай, у выпадку з тарфянікам магчыма самаўзгаранне з-за спякотнага і сухога надвор’я. Для ліквідацыі ўзгаранняў былі прыцягнуты 5 адзінак пажарнай аварыйна-выратавальнай тэхнікі і 15 чалавек асабовага складу ПАВЧ-1 Пастаўскага РАНС.

З мэтай папярэджання ўзгаранняў у прыродных экасістэмах раёна, своечасовага іх выяўлення і мінімізацыі магчымага ўрону зацікаўленымі суб’ектамі гаспадарання арганізавана правя­дзенне рэйдавых мерапрыемстваў па тэрыторыі Пастаўшчыны. З пачатку года адбылося 119 рэйдаў, па выніках якіх складзена 17 адміністрацыйных пратаколаў на суму 1623,35 тыс. рублёў, праінструктавана амаль 7 тыс. чалавек.

Усе суб’екты прафілактыкі і землекарыстальнікі павінны памятаць пра неабходнасць пастаяннага кантролю за станам тэрыторыі ў пажаранебяспечны перыяд і своечасова прымаць меры па ліквідацыі ўзгаранняў. У адносінах да асоб, якія не забяспечваюць навя­дзенне парадку на зямлі, і грамадзян, па чыёй віне ўзнік пажар, будуць прымацца меры адміністрацыйнага ўздзеяння.

Варта нагадаць, што, у адпаведнасці з Кодэксам аб адміністрацыйных правапарушэннях Рэспублікі Беларусь, за незаконнае выпальванне сухой расліннасці, травы на корані, а таксама ржышча і пажніўных рэшткаў на палях або непрыняцце мер па ліквідацыі палаў на зямельных участках прадугледжаны штраф у памеры ад 10 да 40 базавых велічынь. Акрамя таго, юрыдычныя і фізічныя асобы пакрываюць урон, прычынены навакольнаму асяроддзю. Развядзенне вогнішчаў у забароненых месцах мае вынікам папярэджанне або штраф у памеры да 12 БВ. А парушэнне пажарнай бяспекі ў лясах і на тарфяніках або забароны на іх наведванне, якія не прывялі да прычынення ўрону, караюцца папярэджаннем або штрафам у памеры да 25 БВ. За гэтыя ж дзеянні, у выніку якіх адбылося знішчэнне або пашкоджанне лесу ці тарфянікаў, давядзецца заплаціць штраф ад 25 да 50 БВ.

Алена Шапавалава



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.