Местная молодежь помогает сельхозработникам ОАО «Ярево-агро» на зернохранилищах

Сельское хозяйство

Незаменныя памочнікі

Раней у перыяд жніва ў ААТ «Ярэва-агра» на зерняскладзе дапамагалі жыхары Столінскага раёна, якія спецыяльна бралі водпуск на асноўнай рабоце і накіроўваліся ў Ярэва.  Два гады таму ад прыезджых адмовіліся.

— Столінцы працавалі сумленна, — расказваў дырэктар гаспадаркі Раман Вырвіч. — Але іх паслугі нам абыходзіліся дарагавата: мы забяспечвалі іх жыллём, пасцельнай бялізнай, кармі­лі, плацілі зарплату, выдавалі зерне. Летась прыцягвалі на дапамогу мясцовых беспрацоўных. Стараліся не ўсе. Сёлета праявіла жаданне дапамагчы і зарабіць грошай мясцовая моладзь, а гэта навучэнцы: Наваполацкага полі­тэхнічнага каледжа — Вадзім Скурацёнак, Віцебскага кадэцкага вучылішча — Максім Мацур і СШ №2 — Раман Рымшэліс. Напачатку не быў упэўнены, што «прыжывуцца» на складзе, думаў, дзень-другі папрацуюць і адмовяцца. А не! Работай іх задаволены — яны вясковыя, да працы прывучаныя. Таму і цяжкасцей не палохаюцца.

— Старанна працаваць маем стымул, — гаварылі хлопцы. — Грошы ніколі не бываюць лішнімі. Чым марнаваць час у гаджэтах ці на рыбалцы, лепш штосьці зарабіць і ўнесці свой уклад у сямейны бюджэт. Расходаў жа перад пачаткам навучальнага года хопіць.

Тэкст і фота Анны Анішкевіч



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.