14 февраля в концертном зале «Витебск» поблагодарили за работу лучших животноводов области

Сельское хозяйство

Пашана – найлепшым жывёлаводам

14 лютага ў канцэртнай зале «Віцебск» падзякавалі за працу найлепшым жывёлаводам вобласці.

Ва ўрачыстым мерапрыемстве прыняла ўдзел і дэлегацыя нашага раёна. Узначальвалі яе першы намеснік начальніка райсельгасхарчу Эдуард Януковіч і старшыня райкама прафсаюза работнікаў АПК Аляксей Філімонаў. 

— Мэта сходу — падзякаваць перадавікам за шчырую, сумленную працу, — расказваў Эдуард Януковіч. — Наш раён прадстаўлялі аператары машыннага даення Лілія Стрэльская і Вераніка Валодзька  (ААТ «Хацілы-агра»), Алеся Федаронак (ААТ «Навасёлкі-Лучай»), Святлана Косінец (СП «Дунілавічы-­агра»), Іна Тамко (СП «Ляхаўшчына-агра»), аператары па дарошчванні і адкорме буйной рагатай жывёлы Іраіда Саўчук, Лія Карманава, Вера Квяткоўская, Кацярына Петрусевіч, Тамара Марозава з груздаўскага аддзялення АБП «Рассвет Пастаўскі», ААТ «Камайскі-агра», «Навасёлкі-Лучай», «Кураполле-агра». А таксама галоўны заатэхнік ААТ «Навасёлкі-Лучай» Іван Кісель і галоўны ветурач раёна Андрэй Масцяніца.

Фота БЕЛТА

З прывітальным сло­вам да прысутных звярнуўся старшыня абласнога выканаўчага камітэта Мікалай Шарснёў. Ён падкрэ­сліў, што ў жывёлагадоўлі Віцебшчыны занята каля 14 тысяч чалавек. На злёт запрасілі каля 500. Найлепшым былі ўручаны ўзнагароды.

— Ушанаванне найлепшых жывёлаводаў вобласці трэці год ініцыіруе Віцебскі абкам прафсаюза работнікаў АПК, — гаварыў Аляксей Філімонаў. —  Прыемна, што сярод узнагароджаных і работнікі ферм Пастаўшчыны, якія з года ў год дабіваюцца высокіх надояў малака і прываг жывёлы. Так, Ганаровай граматы рэспубліканскага камітэта Беларускага прафсаюза работнікаў АПК удастоена аператар машыннага даення ААТ «Хацілы-­агра» Лілія Стрэльская. За мінулы год ад кожнай каровы яна надаіла ў сярэднім 6 912 кілаграмаў малака. Лія Карманава — аператар па дарошчванні маладняку ААТ «Камайскі-агра» — атрымала грамату Віцебскай абласной арганізацыі грамадскага аб’яднання «Беларускі саюз жанчын». Сярэднясутачная прывага ў яе групе летась склала 841 грам. Гэта найлепшы паказчык па раёне.

Анна Анішкевіч



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.