Начальник группы обслуживания вертолетов и авиадвигателей Виктор Жилевич удостоен звания «Лучший авиационный инженер»

Важное Приграничье

Найлепшы авіяінжынер служыць у Паставах

Летась Міністэрства па надзвычайных сітуацыях Рэспублікі Беларусь арганізавала конкурс прафесійнага майстэрства. Ён праходзіў на працягу ўсяго 2019 года, і ў ім удзельнічалі работнікі ведамства з усіх рэгіёнаў краіны. Пераможцаў вызначалі ў 16 намінацыях. Сярод найлепшых аказаўся і Віктар Жылевіч, які служыць у Дзяржаўнай авіяцыйнай аварыйна-выратавальнай установе «Авіяцыя» МНС Беларусі.

Урачыстае мерапрыемства, на якім падводзілі вынікі конкурсу, адбылося напрыканцы студзеня ў Мінску. Узнагароды ўручаў міністр па надзвычайных сітуацыях Уладзімір Вашчанка. Былі адзначаны найлепшыя ва­дзіцель, вадалаз, ратаўнік, начальнік дзяжурнай змены, пілот, альпініст, малады спецыяліст… Маёр унутранай службы Віктар Жылевіч, які займае пасаду начальніка групы абслугоўвання верталётаў і авіярухавікоў, удастоены звання «Найлепшы авіяцыйны інжынер».

Віктар Жылевіч (справа) з міністрам па над­звычайных сітуацыях Уладзімірам Вашчанкам, жонкай і мамай

— На такі поспех я, безумоўна, не разлічваў, — прызнаўся Віктар. — Проста стараўся максімальна добра прайсці кожны этап конкурсу. Іх было два — тэарэтычны і практычны, дзе патрабавалася прадэманстраваць веданне авіяцыйнай тэхнікі. Рады, што ўсё атрымалася!

Віктар Жылевіч нарадзіўся і вырас у Браславе. Пасля школы паступіў у Мінскі дзяржаўны вышэйшы авіяцыйны каледж. Дыплом гэтай установы атрымаў у 2011 годзе. У Паставы пераехаў праз год, калі ўладкаваўся ў Асобны авіяцыйны атрад органаў пагранічнай службы Рэспублікі Беларусь (неўзабаве ён увайшоў у склад «Авіяцыі» МНС). За 8 гадоў службы шчыра палюбіў наш горад і сваю работу.

— Не магу сказаць, што я з дзяцінства гарэў самалётамі ці верталётамі. Проста заўсёды любіў тэхніку ва ўсіх яе праявах, — працягваў Віктар Жылевіч. — Але ўдзячны лёсу за тое, што ён прывёў мяне менавіта ў авіяцыю. Тут адчуваю сябе на сваім месцы, мне падабаецца тое, чым займаюся. А гэта вельмі многа значыць у жыцці.

Іна Сняжкова
Фота з сайта www.mchs.gov.by



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.