Сувениры для постоянных клиентов. В Беларусбанке прошла «зеленая пятница»

Важное Общество

«Зялёная пятніца» ў Беларусбанку

Пастаўчан, якія прыйшлі 21 лютага ў Цэнтр банкаўскіх паслуг №230 філіяла №216 ААТ «ААБ Беларусбанк» здзейсніць якую-небудзь аперацыю і мелі ў вопратцы любыя адценні зялёнага колеру, чакалі невялічкія сувеніры: ручкі, каляндарыкі, прысмакі. Для многіх гэта стала нечаканасцю.

— Сёлета наш банк праводзіць для сваіх кліентаў штомесячны тэматычны праект. У лютым ён рэалізуецца ў пэўных аддзяленнях Мінска і Віцебскай вобласці і называецца «Зялёная пятніца», — патлумачыў дырэктар Цэнтра банкаўскіх паслуг Леанід Касарэўскі. — Зялёны выбраны таму, што гэты колер з’яўляецца карпаратыўным. У яго тонах афармляюцца ўсе аддзяленні, ён абавязкова прысутнічае ў адзенні банкаўскіх работнікаў.

Вольга Урбель уручае стыкер кліенту банка

Мэта праекта — стварыць станоўчы імідж Беларусбанка, павысіць лаяльнасць кліентаў да яго, а таксама фінансавую адукаванасць грамадзян. Таму на працягу дня атрымаць прэзенты маглі і тыя, хто правільна адказваў на два фінансавыя пытанні. Напрыклад, з якога ўзросту вам адкрыюць банкаўскі рахунак ці з дапамогай якіх устройстваў альбо сэрвісаў можна папоўніць баланс мабільнага тэлефона. Паў­дзельнічаць у адукацыйнай віктарыне прапаноўвалі банкіры, якія працавалі ў зале. Каб наведвальнікі адчувалі, так бы мовіць, святочнасць моманту, аддзяленне ўпрыгожылі паветранымі шарамі, абуладкавалі спецыяльны куток.

Вераніка Філановіч
Фота аўтара



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.