Команда Поставского ЖКХ заняла 3-е место в конкурсе профмастерства «Рабочий зеленого строительства»

Важное Общество

Трэція ў вобласці

Галоўнае ўпраўленне жыллёва-камунальнай гаспадаркі Віцебскага аблвыканкама і абласная арганізацыя Беларускага прафсаюза работнікаў мясцовай прамысловасці і камунальна-бытавых прадпрыемстваў кожны год арганізуюць конкурс прафесійнага майстэрства «Рабочы зялёнага будаўніцтва». Месцам яго правядзення выбіраецца горад, у якім ладзіцца абласное свята «Дажынкі». Летась яно адбылося ў Браславе. Сёлета 26 верасня гасцей сустрэне Віцебск.

Вольга Гайдукевіч, Марыя Кароль і Яўгеній Шчарбатых…

А ў пачатку месяца ў абласным цэнтры дэманстравалі сваё майстэрства кветкаводы Віцебшчыны. Камандзе кожнага раёна ў складзе трох чалавек выдзялялася пляцоўка размерам 3х4 метры, і яе на працягу дзвюх гадзін трэба было ператварыць у квітнеючую клумбу. Кветкі канкурсанты прывозілі з сабой. Эскізы будучай клумбы ўсе ўдзельнікі конкурсу стваралі загадзя і карысталіся імі пры высадцы кветак. Але найперш давялося адказаць на 10 тэарэтычных пытанняў, якія датычылі вырошчвання кветак і аховы працы.

… і створаная імі ў Віцебску клумба

Каманда нашага раёна ў складзе Вольгі Гайдукевіч, Марыі Кароль і Яўгенія Шчарбатых заняла трэцяе месца, саступіўшы палачанам і глыбачанам. Яна адзначана дыпломам арганізатараў конкурсу і грашовай прэміяй.

Зараз каля гасцініцы «Віцебск» жыхароў і гасцей абласнога цэнтра радуюць вырашчаныя і высаджаныя пастаўчанамі аксаміткі, агератумы, белыя і чырвоныя бягоніі.

Фаіна Касаткіна
Фота аўтара і Сяргея Плешкуна



Читайте также:
Очень дорожим друг другом! Семье Надежды и Ивана Ладукас уже 8 лет
Любите жизнь, ведь она быстро проходит! — советует молодым 90-летняя Олимпиада Ландышко из Новоселок
Все добываем собственными руками! Работа на даче приносит семье Немчинских пользу и удовольствие



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.