Дорожные рабочие завершают работу по благоустройству территории возле новостроек 6-го городка

Главное Общество

Удасканальваюць зробленае

У канцы мінулага тыдня, вяртаючыся з чарговага рэдакцыйнага задання, заўважыла актыўнасць дарожных рабочых у мікрараёне новай забудовы 6-га гарадка. Здаецца, і асфальт пакладзены, і пешаходныя дарожкі ёсць, а тут кіпіць такая дзейнасць. Стала цікава.

— А хто вы будзеце? — спрабую высветліць арганізацыю.

— Работнікі філіяла «Пас­таўскае ДРБУ-132», — адказваюць мужчыны. — Завяршаем апошнія віды работ на ўчастку. Для бяспекі пешаходаў і веласіпедыстаў манціруем кар’ерную агароджу, бо побач з тратуарам знаходзіцца пажарны вадаём. Наш галоўны — Андрэй Рагіня. Ён усё вам раскажа.

Дарожныя рабочыя ДРБУ-132 Павел Гінявец і Вячаслаў Янкун свідруюць зямлю пад устаноўку агароджы

Не толькі расказаў, але і арганізаваў падначаленых для нечаканай фотасесіі.

Як высветлілася, якасныя пляцовачныя сеткі, што з’явіліся ў новым мікрараёне райцэнтра, — заслуга двух філіялаў: ДРБУ-132 і ДЭУ-33. Кожны ў сваёй зоне адказнасці з нуля (на чыстым полі) пабудаваў дарожную інфраструктуру: насыпаў грунт, зрабіў укладку асфальтабетоннага пакрыцця, устанавіў бардзюры, правёў азеляненне і іншыя работы.

З цікавасцю слухаю Андрэя, але мая ўвага міжволі пераключаецца на дзве імклівыя «ГАЗэ­лі», якія побач робяць гарызантальную разметку праезнай часткі. Адны мужчыны з дапамогай трафарэта і пульверызатара наносяць фарбу, іншыя следам пасыпаюць яе святлоадбівальнымі шклошарыкамі. Гэта шчыруюць работнікі мя­дзельскага філіяла «ДЭУ-66». Яны, як і мясцовыя дарожнікі, з’яўляюцца субпадрадчыкамі гаспадара будаўніцтва — «Рассвета Пастаўскага».

Вынікам працы дарожнікаў у 6-м гарадку захапляюцца мно­гія гараджане. Але ўсіх здзіўляе: няўжо паўкіламетровая гравійка са шматлікімі выбоінамі, якая злучае вуліцу Азёрную з новым мікрараёнам, так і застанецца незаасфальтаванай? Інжынер ДРБУ-132 Віктар Даўгель патлумачыў, што гэты ўчастак не ўваходзіць у праектна-каштарысную дакументацыю іх арганізацыі і яго далейшы лёс яму невядомы.

Вераніка Філановіч. Фота аўтара



Читайте также:
Как «заработать на заначке» рассказала корреспонденту «ПК» специалист Белагропромбанка Наталья Якубович
Центр ритуальных услуг «Век» открылся в райцентре. Спектр услуг широкий, но главная особенность — зал прощания
С 20 ноября в Беларуси вступили в силу новые правила оказания услуг почтовой связи общего пользования



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.