Очередная диалоговая площадка прошла в районном центре детей и молодежи

Образование

Выхоўваць патрыётаў

Прадаўжаюць сваю работу дыялогавыя пляцоўкі. Чарговая прайшла ў раённым цэнтры дзяцей і моладзі. На яе сабраліся намеснікі дырэктараў гарадскіх школ, прадстаўнікі аддзела па адукацыі райвыканкама. Мадэратар мерапрыемства начальнік аддзела ідэалагічнай работы, культуры і па справах моладзі Галіна Чаплінская прапанавала абмеркаваць пытанні патрыятычнага выхавання навучэнцаў школ. Прысутных прывітаў начальнік аддзела па адукацыі райвыканкама Павел Трава. Пра работу з моладдзю, якая право­дзіцца ў раёне, падрабязна расказала галоўны спецыяліст ідэалагічнага аддзела Наталля Субко.

Вопытам работы дзеліцца намеснік дырэктара па выхаваўчай рабоце СШ №3 Таццяна Крук

На Пастаўшчыне пражывае больш за 7 тысяч чалавек ва ўзросце ад 14 да 31 года. Яны прымаюць актыўны ўдзел у мерапрыемствах, якія ладзяцца ў раёне.  Штогод на рэалізацыю маладзёжнай палітыкі з раённага бюджэту выдзяляюцца грашовыя сродкі. Фінансаванне накіравана на правядзенне ваенна-спартыўнай гульні «Зарніца», раённы злёт юных ратаўнікоў, турзлёты, конкурс маладых сем’яў «Майстры вёскі», спартакіяду «Я ў армію пайшоў бы, хай мяне навучаць», калядныя сустрэчы маладых спецыялістаў, Дзень прызыўніка  і іншыя.

Перад школай заўсёды стаяла задача не толькі навучання, але і выхавання дзяцей. Яно ў першую чаргу павінна быць накіравана на фарміраванне цвёрдай грамадзянскай пазіцыі падлеткаў і пачуцця патрыятызму. З гэтай мэтай ладзяцца шматлікія мерапрыемствы.

Пра патрыятычнае выхаванне навучэнцаў СШ №№3, 4 расказалі намеснікі дырэктараў па выхаваўчай рабоце гэтых навучальных устаноў Таццяна Крук і Алена Сцяпанава. Усе сышліся на тым, што трэба больш увагі ўдзяляць павышэнню ролі сям’і і адказнасці бацькоў за выхаванне дзяцей, вучыць іх павазе і міласэрнасці, глыбей вывучаць гісторыю роднага краю.

Анна Анішкевіч. Фота аўтара



Читайте также:
В райисполкоме обсудили вопросы реализации государственной молодежной политики на Поставщине
Жители Поставского района на диалоговых площадках предложили усилить информирование через СМИ
На диалоговой площадке депутаты обсудили вопросы местного самоуправления



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.