Участники встречи идеологического актива г. Поставы обсудили план работы на 2021 год

Местная власть

Нам трэба захаваць адзінства

Гэта думка гучала лейтматывам падчас сустрэчы ідэалагічнага актыву горада, якая прайшла 27 студзеня ў райвыканкаме ў форме дыялогавай пляцоўкі. Яе ўдзельнікі абмеркавалі работу на 2021 год, аб’яўлены ўказам Прэзідэнта краіны Годам народнага адзінства.

На мерапрыемстве прысутнічалі работнікі аддзела ідэалагічнай работы, культуры і па справах моладзі райвыканкама, галоўны рэдактар рэдакцыі праграмы тэлебачання «Паставы ТБ», удзельнік VI Усебеларускага народнага сходу ад Пастаўскага раёна Юлія Лазікевіч, намеснікі кіраўнікоў па ідэалагічнай рабоце арганізацый і прадпрыемстваў горада. Мадэратарам сустрэчы выступіў намеснік старшыні райвыканкама Станіслаў Чымбург. Ён першым і ўзяў слова.

Станіслаў Уладзіміравіч ахарактарызаваў сітуацыю, якая склалася сёння ў краіне і раёне, і акрэсліў задачы для ідэолагаў на гэты год. У прыватнасці, ён адзначыў, што Беларусь зараз перажывае няпросты час. Пасля выбараў Прэзідэнта грамадскае жыццё значна палітызавалася. Абстаноўка нагняталася як знутры, так і знешнімі сіламі, якія і цяпер робяць спробы дэстабілізаваць грамадства. Органы дзяржаўнай улады са свайго боку прымаюць меры па арганізацыі канструктыўнага дыялогу з апанентамі і прыняцці ўзважаных рашэнняў. Прыклад таму — правядзенне па ўсёй рэспубліцы дыялогавых пляцовак па ўнясенні прапаноў у Канстытуцыю па перспектывах развіцця краіны і рэгіёнаў, а таксама падрыхтоўка да VI Усебеларускага народнага сходу. У нашым раёне, акрамя таго, працуюць грамадскія прыёмныя, кіраўніцтва райвыканкама праводзіць сустрэчы ў працоўных калектывах і па месцы жыхарства. Пытанні і прапановы, якія паступаюць, абагульняюцца, пры неабходнасці прымаюцца меры па іх выкананні.

Усё гэта робіцца для таго, каб захаваць народнае адзінства. А для дасягнення міру і згоды ў грамадстве кожнаму з нас трэба пачаць з сябе, перакананы Станіслаў Чымбург. Тэма народнага адзінства будзе ў цэнтры ўвагі ўсёй інфармацыйна-растлумачальнай і культурна-масавай работы з насельніцтвам у гэтым годзе, заявіў ён.

Затым перад прысутнымі выступіла Юлія Лазікевіч. Напярэдадні яна пабывала на сустрэчы дэлегатаў, якія будуць прадстаўляць Віцебскую вобласць на VI Усебеларускім народным сходзе, і падзялілася ўражаннямі ад яе. Расказала, хто прыехаў на сустрэчу і пра што ішла размова — а ўдзельнікамі мерапрыемства былі старшыня Палаты прадстаўнікоў Нацыянальнага сходу Рэспублікі Беларусь Уладзімір Андрэйчанка, міністры: эканомікі краіны — Аляксандр Чарвякоў, працы і сацыяльнай абароны — Ірына Касцевіч, жыллёва-камунальнай гаспадаркі — Андрэй Хмель, старшыні Віцебскага аблвыканкама і абласнога Савета дэпутатаў Мікалай Шарснёў і Уладзімір Цярэнцьеў. Пры гэтым зрабіла акцэнт на тым, што з пачутага ад выступоўцаў асабліва яе зацікавіла.

Пра ідэалагічную работу ў сваіх калектывах распавялі намеснік дырэктара УП ЖКГ Міхаіл Кабайла, вядучы спецыяліст па ідэалогіі Пастаўскага малочнага завода Аляксандра Гайлеўская, намеснік дырэктара па выхаваўчай рабоце Пастаўскага дзяржаўнага каледжа Антаніна Кухальская і начальнік аддзела кадраў і ідэалагічнай работы Пастаўскага філіяла Віцебскага абласнога спажывецкага таварыства Ірына Хомчык, якія абазначылі праблемы і выказалі ўласнае бачанне іх вырашэння. Яшчэ адзін удзельнік сустрэчы — інжынер раённага вузла паштовай сувязі Сяргей Андрэеў — прапанаваў вызначыць формы і метады работы з індывідуальнымі прадпрымальнікамі і самазанятымі грамадзянамі па давядзенні да іх дакладнай інфармацыі аб сітуацыі ў краіне.

У цэлым сістэму ідэалагічнай работы ў раёне ахарактарызавала начальнік аддзела ідэалагічнай работы, культуры і па справах моладзі райвыканкама Галіна Чаплінская. Яна расказала пра яе формы і мерапрыемствы, якія праводзяцца з удзелам ідэалагічнага актыву і рыхтуюцца сёлета ў рамках Года народнага адзінства, а таксама нацэліла ідэолагаў на плённую працу ў гэтым годзе.

Алена Шапавалава. Фота аўтара



Читайте также:
Очередная диалоговая площадка прошла в районном центре детей и молодежи
С 3 января 2021 года вступили в силу изменения в законодательстве по вопросам нотариальной деятельност
По каким вопросам поставчане обращались в райисполком в прошлом году?



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.