Рабочий день водителей участка г. Поставы филиала «АТП №16 г. Глубокое» начинается рано

Важное Общество

Уважлівыя і пунктуальныя

Рабочы дзень набліжаўся да завяршэння, а некаторыя вадзіцелі ўчастка г. Паставы філіяла «Аўтатранспартнае прадпрыемства №16 г. Глыбокае» збіраліся ў рэйс. Некаторыя, хто выехаў у 4 раніцы, толькі што вярнуліся ў парк.

Мікалай Александроў у аўторак быў на выхадным, але вырашыў агледзець аўтобус і прыйшоў у аўтапарк на некалькі га­дзін. За ім замацаваны аўтобус на 51 пасадачнае месца. На ім працуе на міжгародніх рэйсах — дастаўляе пасажыраў у Віцебск, Мінск, Маладзечна.  Сяргей Міць­ко абслугоўвае пасажыраў на гарадскіх «адзінцы», «двойцы», «тройцы».На ўсё жыццё выбраў прафесію вадзіцеля Міхаіл Буката. Ён мае права на заслужаны адпачынак, але любоў да тэхнікі трымае яго ў аўтапарку. Міхаіл Буката і Іван Літовец штодня курсіру­юць на прыгарадных маршрутах. Сцвярджаюць, што працаваць апошнім часам не так цікава, як было раней: вёскі старэюць і пусцеюць, скарачаецца колькасць пасажыраў, і часцей за ўсё ў першы рэйс раніцай аўтобусы адпраўляюцца пустымі. Няшмат пасажыраў прыязджае і ў горад. Таму кіраўніцтва было вымушана скараціць колькасць маршрутаў і рэйсаў.

Мікалай Александроў, Міхаіл Буката, Вадзім Галімскі, Іван Літовец, Сяргей Міцько

У пастаўскім участку працу­юць 33 вадзіцелі аўтобусаў. Яны выконваюць міжгароднія рэйсы на Мінск, Віцебск, Маладзечна, а а таксама 12 прыгарадных і 3 гарадскія.

Работа наша няпростая і вельмі адказная, — гаварылі вадзіцелі ўчастка г. Паставы філіяла «Аўтатранспартнае прадпрыемства №16 г. Глыбокае». — Першыя аўтобусы на міжгорад адпраўляюцца ў 4 і 5 гадзін, на прыгарад — крыху пазней. Рана выходзім на гарадскія маршруты. А перад гэтым трэба прайсці медагляд, аформіць пуцёўку, агледзець аўтобус і салон. Галоўнае — быць уважлівымі, ветлівымі, пунктуальнымі і каб тэхніка не падводзіла.

Надзейныя памочнікі вадзіцеляў у рамонце транспарту — слесары Аляксандр Камарніцкі і Вадзім Галімскі. Гэтыя высакакласныя спецыялісты ўмеюць зрабіць усё магчымае і немагчымае, каб машына выйшла на лінію па графіку.

Анна Анішкевіч. Фота аўтара



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.