Звания «Почетный дорожник Республики Беларусь» удостоен автогрейдерист филиала «ДЭУ-33» Олег Шилей

Главное Общество

Ганаровы дарожнік Рэспублікі Беларусь

Гэтага звання напярэдадні прафесійнага свята ўдастоены аўтагрэйдарыст філіяла «ДЭУ-33» Алег Шылей

Яго вызначаюць высокія паказчыкі ў рабоце, адказнасць і прафесіяналізм.

Алег Іванавіч вырашыў узяць водпуск да пачатку зімы. Але кіраўніцтва папрасіла тэрмінова выйсці на работу — пакласці трубы на адным са з’ездаў з цэнтральнай дарогі. І ён з аўтагрэйдара перасеў на экскаватар і адправіўся ў Навасёлкі, дзе рабочыя ДЭУ-33 займаліся абуладкаваннем дарогі да новага 12-кватэрнага дома. Алег Шылей па-майстэрску ўпраўляў экскаватарам і выканаў сваю работу прафесійна.

Што толькі ні даво­дзілася выконваць больш чым за 20 гадоў работы ў ДЭУ-33! — гаварыў Алег Шылей. — Дапамагаю прафіляваць дарогі, пляцоўкі, загружаю і выгружаю грунты і сыпучыя матэрыялы. Сёлетнім летам працаваў на будаўніцтве лясной дарогі. З вясны да восені грэйдзірую дарогі, зімой расчышчаю іх ад снегу. Апошнім часам зімы не такія снежныя. А бывала, расчысціш участак, а вяртаешся назад — і знаку няма, дзе грэйдар прайшоў. Дарогі, якія абслугоўвае наша арганізацыя, пралягаюць у бок Глыбоцкага, Браслаўскага, Мядзельскага раёнаў. Усе добра вывучыў.

Алег Шылей любое заданне выконвае добрасумленна. За старанне ўзнагароджваўся Ганаровай граматай Міністэрства транспарту і камунікацый Рэспублікі Беларусь, быў удастоены звання «Чалавек года Пастаўшчыны».

Нагрудны знак «Ганаровы дарожнік Беларусі» ў нашым калектыве мае толькі начальнік Алег Пятровіч Крукоўскі, — гаварыў Алег Шылей. — Таму для мяне прысваенне такога высокага звання стала нечаканасцю. Дзякуй кіраўніцтву за высокую ацэнку маёй работы. Я ўжо на пенсіі, але дома не сядзіцца. Калі запатрабаваны, то чаму не папрацаваць?

Фота Анны Анішкевіч



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.