Посмотрите, какие креативные кормушки сделали работники и постояльцы ОКП ТЦСОН

Важное Природа

Кормяцца ў творчай абстаноўцы

12—13 студзеня ў лынтупскім аддзяленні кругласутачнага знаходжання для грамадзян пажылога ўзросту ТЦСАН прайшла дабрачынная акцыя «Кармушкі для птушкі».

Падчас яе работнікі і пастаяльцы аддзялення вырабілі для крылатых сяброў больш за дзясятак «сталовак», якія адразу ж развесілі на дрэвы на вялікай добраўпарадкаванай тэрыторыі ўстановы.

— Такую акцыю мы правялі ўпершыню, — расказвала загадчыца аддзялення Надзея Гатоўская. — У нашым калектыве працуе шмат творчых людзей, якія з задавальненнем уключыліся ў працэс вырабу кармушак. Падтрымалі ініцыятыву і нашы падапечныя. У якасці будаўнічага матэрыялу выкарысталі льняную тканіну, гарбуз, кардон і папяровую лазу. Каб домікі не размоклі, пакрылі іх лакам. Агульная добрая справа яшчэ больш з’яднала ўсіх, хто жыве і працуе ў аддзяленні.

У меню для птушак — зерне, хлеб, семкі. Яны задаволеныя асартыментам  і прылятаюць сюды падсілкавацца ўсё часцей. І тым самым радуюць усіх удзельнікаў акцыі, якія з замілаваннем назіраюць за крылатымі сябрамі.

Іна Сняжкова



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.