Работники Беларусбанка способны предложить клиентам практически любую банковскую услугу

Общество

Максімальна задавальняюць патрэбы кліентаў

Работнікі Цэнтра банкаўскіх паслуг №230 ААТ «ААБ Беларусбанк» у Паставах здольныя прапанаваць сваім кліентам практычна любую банкаўскую паслугу. Рэжым работы ўсіх трох аддзяленняў максімальна набліжаны да патрэб насельніцтва раёна. 4 банкаматы і столькі ж інфакіёскаў абслугоўваюць каля 18 тысяч трымальнікаў плацежных карт ЦБП, а ўсяго іх выпушчана каля 20 тысяч. Пры гэтым за год колькасць карт павялічылася больш чым на 700 штук.

У банку маюцца клубныя прапановы для розных катэгорый кліентаў. У 2021 годзе ў Дзень ведаў запушчаны ўнікальны дзіцячы прадукт — Клуб «Z-клас», які дазваляе аформіць дэбетавую картку «БЕЛКАРТ-ПРЭМІУМ» для дзяцей з 6 гадоў. І пастаўчане ўжо пачалі яе заказваць.

Вядучыя спецыялісты па продажы рознічных банкаўскіх прадуктаў Наталля Гарына і Святлана Турла

Для абслугоўвання трымальнікаў плацежных карт Беларусбанка больш чым у 200 дзяржаўных і прыватных арганізацыях гандлю і сэрвісу Пастаўшчыны ўстаноўлена тэрмінальнае абсталяванне, на якім можна разлічвацца за тавары і паслугі без спагнання камісійнага ўзнагароджання. Ва ўмовах няпростай эпідэміялагічнай сітуацыі ў рэспубліцы значна павысілася важнасць дыстанцыйных каналаў абслугоўвання ў рабоце як з фізічнымі, так і з юрыдычнымі асобамі. Створаная банкам інфраструктура паслуг дазваляе кліентам ажыццяўляць шырокі спектр аперацый без наведвання яго аддзяленняў — з дапамогай устройстваў самаабслугоўвання і сэрвісаў «Інтэрнэт-банкінг» і «М-банкінг», развіццю якіх зараз надаецца асаблівая ўвага.

У 2021 годзе Беларусбанк укараніў новы сэрвіс па папаўненні ў інфакіёсках з функцыяй cash-in рахункаў, доступ да якіх забяспечаны з выкарыстаннем банкаўскіх плацежных карт, замежнай валютай — доларамі ЗША, еўра і расійскімі рублямі. Гэты сэрвіс з’яўляецца альтэрнатывай валютна-абменным аперацыям у касах установы. З мэтай рацыянальнага планавання часу ў кліентаў з’явілася магчы­масць скарыстацца паслугай «Папярэдні запіс на банкаўскае абслугоўванне». Ён ажыццяўляецца на карпаратыўным сайце банка.

Таксама Беларусбанк працягвае ўдзельнічаць у рэалізацыі дзяржаўнай жыллёвай праграмы. Пры дапамозе яго крэдытаў і з дзяржаўнай падтрымкай летась на Пастаўшчыне свае жыллёвыя ўмовы палепшылі 49 сем’яў, у тым ліку 36 шматдзетных. Некаторыя грамадзяне набылі жыллё, скарыстаўшыся новым банкаўскім крэдытным прадуктам «Іпатэка Экспрэс». Пытанне аб выдачы гэтага крэдыту разглядаецца ў кароткі тэрмін, а атрымальнік падае ў банк мінімальны пакет дакументаў. Па-ранейшаму карыстаецца папулярнасцю ў жыхароў раёна «Сістэма будаўнічых зберажэнняў», з дапамогай якой можна будаваць, рэканструя­ваць і купляць жылыя памяшканні як на першасным, так і на другасным рынку ў любым населеным пункце Рэспублікі Беларусь незалежна ад месца рэгістрацыі фізічнай асобы.

Адным словам, работнікі ЦБП №230, як і іх калегі па ўсёй рэспубліцы, стараюцца максімальна задаволіць бягучыя патрэбы сваіх кліентаў, абслужыць іх на самым высокім узроўні.

Алена Шапавалава. Фота аўтара



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.