Паважаныя работнікі і ветэраны аховы здароўя Пастаўскага раёна!
Шчыра віншуем вас з прафесійным святам — Днём медыцынскага работніка! Па закліку сэрца вы звязалі свой лёс з высакароднай і надзвычай складанай прафесіяй. Навучацца ёй доўга, а часам і нялёгка, аднак вынікі вашай дзейнасці пераўзыходзяць усе чаканні — гэта ўсмешкі і ўдзячнасць выратаваных вамі людзей і іх блізкіх. Сваёй штодзённай працай, высокім пачуццём адказнасці і абавязку, дабрынёй і міласэрнасцю вы пацвярджаеце ганаровае званне медыцынскага работніка. Усвядоміць важнасць прафесіі медыка дапамагла пандэмія. Барацьба з каранавірусам паказала, наколькі незаменная ваша дапамога ў крытычных сітуацыях, выявіла найлепшыя чалавечыя і прафесійныя якасці.
Нягледзячы на тое, што Дзень медыцынскага работніка адзначаецца ў нядзелю, вы не ведаеце свят і выхадных. Многія з вас сустрэнуць яго на працоўных месцах: ля ложка хворага, у машыне хуткай дапамогі, аперацыйнай. Сардэчна жадаем, каб ваша праца, накіраваная на захаванне здароўя і жыцця людзей, надавала кожнаму ўрачу, фельчару, медыцынскай сястры і санітарцы жыццёвых сіл і душэўнага спакою. Са святам, шаноўныя! Здароўя, поспехаў, усяго найлепшага!
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў
