19 студзеня – Дзень ратаўніка
Паважаныя работнікі райаддзела па надзвычайных сітуацыях, ветэраны пажарнай службы!
Прыміце шчырыя віншаванні з прафесійным святам — Днём ратаўніка! У вашай прафесіі не бывае выпадковых людзей. Яна для сапраўдных мужчын, гатовых без ваганняў, у любую хвіліну ступіць у агонь і ваду, рызыкуючы ўласным жыццём, выратаваць яго іншаму чалавеку, захаваць маёмасць. І вы добра з гэтым спраўляліся і працягваеце спраўляцца.
Жадаем, каб вашы дзяжурствы былі спакойнымі — як мага радзей прыходзілася выязджаць на ліквідацыю пажараў і іншых надзвычайных сітуацый, а трывогі былі толькі вучэбнымі. Моцнага вам здароўя, выдатнай фізічнай формы, шчасця і сямейнага дабрабыту! Заставайцеся і надалей такімі ж вернымі і адданымі абранай справе!
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў
