Паважаныя ветэраны працы і ўсе прадстаўнікі старэйшага пакалення Пастаўшчыны!
Вы — наша багацце, крыніца мудрасці і жыццёвага вопыту, захавальнікі маральных каштоўнасцей і традыцый, апора і верныя памочнікі для дзяцей і моладзі. Дзякуй вам за актыўны ўдзел у грамадскім і культурным жыцці раёна.
Віншуем усіх, хто знаходзіцца на заслужаным адпачынку або працягвае працаваць, нягледзячы на паважаны ўзрост. Няхай вашы гады не будуць для вас падставай для засмучэння, а жыццёвых сіл хапае надоўга! Жадаем, каб кожны новы дзень быў напоўнены цяплом і дабрынёй. Моцнага вам здароўя, бадзёрасці духу, доўгіх шчаслівых гадоў жыцця, любові і ўвагі з боку родных і блізкіх!
Сяргей Чэпік, старшыня раённага выканаўчага камітэта
Юрый Кісялёў, старшыня раённага Савета дэпутатаў
