Традыцыйна пад’ём захваральнасці на звычайныя рэспіраторныя вірусныя інфекцыі (ВРВІ, рынавірусы, адэнавірусы) назіраецца восенню. І яе ўзровень не зніжаецца да сярэдзіны вясны, пакуль не прыйдзе цяпло. А ў лютым-сакавіку да звычайных вірусаў дадаецца яшчэ і грып. Якая зараз сітуацыя ў раёне, карэспандэнт «ПК» Алена Шапавалава пацікавілася ў загадчыцы эпідэмічнага аддзела райЦГЭ Людмілы Сафронавай. Вось што яна расказала:
— Захваральнасць на вострыя рэспіраторныя інфекцыі на Пастаўшчыне, як і ў цэлым па Беларусі, характарызуецца нізкай інтэнсіўнасцю. Гэта звязана з устанаўленнем цёплага надвор’я і працягам ацяпляльнага сезона. Але ўзбуджальнікі інфекцый яшчэ цыркулююць. У асноўным гэта вірусы негрыпознай этыялогіі. Частата іх выяўлення складае больш за 90%. У асобных выпадках сустракаецца грып А і Б. Ён выдзяляецца ад пацыентаў з вострымі рэспіраторнымі інфекцыямі і грыпападобнымі захворваннямі, у асноўнымі не прышчэпленых супраць грыпу.
