У першыя выхадныя верасня ўся краіна скіруе позіркі на Касцюковічы, якія стануць сталіцай XXXIII Дня беларускага пісьменства.
Маштабны форум штогод збірае разам аматараў кнігі, навукоўцаў, вядомых літаратараў і ўсіх, каму неабыякавы лёс роднага слова. Магілёўская зямля заўжды мела адметнае значэнне ў станаўленні беларускага кнігадрукавання, а Касцюковіцкі раён лічыцца адным з літаратурных цэнтраў вобласці. Тут нарадзіліся выдатныя майстры слова, сярод якіх народны паэт Беларусі Аркадзь Куляшоў і народны пісьменнік Іван Чыгрынаў. Іх спадчына зноў ажыве на вуліцах горада, нагадваючы пра багацце беларускай культуры.
Сёлетняя праграма свята будзе надзвычай насычанай і адметнай. Сярод ключавых тэм форуму — 85-я гадавіна пачатку Вялікай Айчыннай вайны, Год беларускай жанчыны, юбілеі класікаў літаратуры. Для жыхароў і гасцей горада падрыхтавана шмат цікавых сюрпрызаў.
У павільён рэдкай кнігі ўпершыню будуць сабраны ўнікальныя выданні з усёй Беларусі — старадрукі, факсіміле і мініяцюрныя кнігі.
«Кабінет пісьменніка» прадстаўлены інтэрактыўнай пляцоўкай, дзе можна ўбачыць сапраўдныя рукапісы, асабістыя рэчы і архіўныя дакументы класікаў.
На кніжных выставах адбудуцца прэзентацыі сучасных беларускіх выданняў і сустрэчы з папулярнымі аўтарамі, дзе кожны зможа атрымаць аўтограф.
Фіналам святочных дзён стане яскравы гала-канцэрт, у якім прымуць удзел фіналісты рэспубліканскага конкурсу чытальнікаў «Жывая класіка».
Па матэрыялах СМІ
