Елена Сыропятко из д. Ясюки создает креативное мыло ручной работы

Важное Общество

Кветкі, якія не вянуць

Іх сваімі рукамі стварае Алена Сырапятка. Прычым гэтай прыгажосцю можна не толькі любавацца, але і… мыцца, бо гэта — духмянае мыла.

Алена жыве ў маленькай вёсцы Ясюкі непадалёк ад Варапаева. Яна даўно зарэкамендавала сябе як добры майстар па манікюры і педзікюры — у гарпасёлку мае свой «кабінет прыгажосці». А нядаўна вырашыла паспрабаваць сябе ў новай справе — мылаварэнні.

— Пачалося ўсё з таго, што мне патрэбна было зрабіць навагоднія падарункі сваім шматлікім родным, — расказвала Алена. — Хацелася, каб гэта было штосьці незвычайнае, крэатыўнае. На старонцы аднаго з браслаўскіх майстроў у інтэрнэце ўбачыла сувенірнае мыла, якое вельмі запала ў душу. Ужо хацела афармляць заказ, як раптам з’явілася ідэя: чаму б не паспрабаваць зрабіць такія яркія прэзенты самой?

Для пачатку жанчына заказала на спецыялізаваных сайтах усе патрэбныя інгрэдыенты: мыльную аснову, фарбавальнікі, араматызатары, натуральнае масла для змякчэння скуры і інш. Потым дзякуючы відэаўрокам навучылася рабіць з усяго гэтага вытанчаныя кветкі і іншую прыгажосць, якая прыйшлася даспадобы не толькі родным, але і сябрам, знаёмым, знаёмым знаёмых…

Алена Сырапятка зарэгістравалася як рамеснік і пачала прадаваць свае вырабы. Прыхільнікі яе творчасці з’явіліся і ў Варапаеве, і ў райцэнтры, і нават у іншых раёнах.

Перад святамі попыт на «мыльныя» сувеніры істотна ўзрастае. Цяпер у рабоце таленавітай жанчыны самы бум: нядаўна было свята закаханых, наперадзе Дзень абаронцаў Айчыны, 8 Сакавіка. Попытам карыстаюцца не толькі кветкі, але і вырабы ў выглядзе гадзінніка, кашулі з гальштукам, падковы, бутэлькі шампанскага ці бляшанкі ікры… Майстар прапануе і варыянты прэзентаў для дзяцей. Тыя застаюцца ў захапленні ад адзінарогаў і іншых фігурак з мыла, нават просяць у бацькоў як мага часцей мыць рукі.

— Калі я толькі пачынала займацца рамесніцтвам, у мяне было каля 20 форм для вырабаў. Цяпер іх каля сотні, — гаварыла суразмоўца. — Асновы для мыла заказваю не 2 кілаграмы, як у пачатку, а 60. Каб ператварыць яе ў сувеніры, патрэбна вельмі шмат часу, але мне падабаецца гэты занятак, таму ёсць вялікае жаданне вучыцца новаму, удасканальваць навыкі. Не так даўно пачала рабіць скрабы для цела, «бомбачкі» для ванны, мачалкі…Ёсць і іншыя ідэі па развіцці сваёй справы. Спадзяюся, і іх хутка ўдасца ўвасобіць у жыццё.

Іна Сняжкова



Читайте также:
Не торты, а произведения искусства создает жительница аг. Новоселки Ольга Бугай
Поставчанка Екатерина Юркова создает необычные по размеру и красоте цветы из изолона
Поставчанка Надежда Новицкая — финалистка конкурса «Миссис Вселенная Беларусь»



Tagged

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.