Сапраўдны выбух адрэналіну і драйву падарыў гледачам абласны агляд-конкурс эстраднай музыкі «ВIАton-2026». Магутная музычная хваля літаральна накрыла горад, аб’яднаўшы яркіх, амбіцыйных і самабытных выканаўцаў з розных куткоў Беларусі і сотні гарачых глядацкіх сэрцаў. На сцэну адзін за адным выходзілі энергічны «Свободный стиль» з Ваўкавыска, загадкавая «Мара» з Віцебска, эпатажная «Пани Хида» з Оршы. Градус эмоцый каля мікрафонаў падтрымлівалі докшыцкі «8-й регион» і маладзечанская «Аномалия». Але па-сапраўднаму горача плошча сустрэла гаспадароў пляцоўкі — пастаўскія гурты «Мисс Терра», «Скифы» і «Планы». Кожны іх выхад суправаджаўся шквалам авацый.
Публіка ў той вечар стала паўнавартасным удзельнікам шоу. Гледачы не шкадавалі далоняў і галасоў: з першых акордаў прысутныя падхапілі нястрымную энергію артыстаў і дружна падпявалі знаёмыя хіты. Іх шчырая падтрымка ператварыла конкурс у сапраўднае свята музыкі.
Больше фото в группах в ОК и ВК
Крысціна Рубель
